Ipak texnologiyasi kafedrasi
Kafedra mudiri: J.A.Axmedov 
Qabul vaqti: Har kuni 15:00-17:00
Telefon: (0 371) 253-90-93
Manzil: Toshkent shahri, Shohjahon ko‘chasi, 
5 uy, 2-bino
E-mail: 
ipak@titli.uz
    KAFEDRA TARIXI

   Kafedra 1932 yili tashkil etilgan “Ipak texnologiyasi” kafedrasi sifatida faoliyat yuritib kelmoqda. “Ipak texnologiyasi”  kafedrasi 1932 yildan boshlab Respublikamiz va MDH davlatlari uchun ipak texnologiyasini mukammal egallagan muhandislar tayyorlab kelmoqda. 
   Kafedrada 3 nafar texnika fanlari doktori, 2 ta professor va 3 nafar texnika fanlari nomzodlari faoliyat yuritadi. “Kadrlar tayyorlash milliy dasturini amalga oshirishda jahon tajribasini o‘rganish va o‘quv jarayoniga tadbiq etish, ilmiy tekshirish ishlarini takomillashtirish maqsadida “Ipak texnologiyasi” kafedrasi professor-o‘qituvchilari xorijiy o‘quv markazlari, jamg‘armalari bilan xalqaro  hamkorlikni kengaytirish va horijiy sarmoyalarni jalb qilish borasida ko‘pgina ishlarni amalga oshirmoqdalar.
   Kafedrada “Nanotexnologiya asosida ipak tolalarini xususiyatlarini o‘zgartirish va ishlab chiqarish texnologiyasini yaratish” hamda “Ipak ishlab chiqarishning chiqindisiz texnologiyasi” yo‘nalishlarida ilmiy-tadqiqot ishlari olib borilmoqda. Olib borilayotgan ilmiy-tadqiqot natijalari “O‘zbekipaksanoat” uyushmasi tarkibidagi ipakchilik va ipak yigiruv korxonalariga tadbiq qilinmoqda. Kafedra va sohaga tegishli bo‘lgan “Silver-Silk”Co, “Ravnaq-Silk” QK, Shaxrisabz “Kesh kumush tola”, “Buxoro Brilliant Silk” QK, “Singapur-Samarqand” va “Verigrov ipagi” chet el korxonalari bilan innovatsion korporativ hamkorlik shartnomalari tuzilgan. Kafedrada innovatsion hamkorlik bo‘yicha shakllar, soha korxonalar banki, bitiruv malakaviy ishlari, doktorlik dissertatsiyalari mavzularini shakllantirish va o‘quv – ishlab chiqarish amaliyotlarini o‘tish uchun mos ravishda bog‘lab har biri bo‘yicha mavzular banki yaratilgan. Kafedradan  va yuqoridagi korxonalardan  innovatsion ishchi guruh  vakillari bilan birgalikda faoliyat olib borilmoqda, ular bilan innovatsion koorporativ hamkorlik bo‘yicha ish rejasi tuzilgan bo‘lib, shu asosda ishlar olib borilmoqda. Kafedrada innovatsion hamkorlik bo‘yicha shakllar, soha korxonalar banki, bitiruv malakaviy ishlari, doktorlik dissertatsiyalari mavzularini shakllantirish va o‘quv – ishlab chiqarish amaliyotlarini o‘tish uchun mos ravishda bog‘lab har biri bo‘yicha mavzular banki yaratilgan.

  KAFEDRADA QUYIDAGI YO'NALISHLAR BO'YICHA MUTAXASSISLIKLAR TAYYORLANADI:

  BAKALAVRIAT TA’LIM YO‘NALISHI:

5320902“Yengil sanoat buyumlarini konstruksiyasini ishlash va texnologiyasi” (Ipak mahsulotlarini ishlab chiqarish) 

  MAGISTRATURA TA’LIM YO‘NALISHI:

5A320901“To‘qimachilik xom ashyolarini qayta ishlash texnologiyasi” (Ipak  texnologiyasi) 

KAFEDRADA O'QITILADIGAN FANLAR:

  BAKALAVR YO'NALISHIDAGI TALABALAR UCHUN:

• To‘qimachilik  mahsulotlari texnologiyasi va jihozlari
• Texnologik jarayonlarni loyihalash
• Tadqiqot uslub va vositalari
• Pillalarni quritish texnologiyasi
• Ipak ishlab chiqarish texnologiyasi
• Kasbiy mahorat va injenerlik ishini yuritish

    MAGISTRATURA YO'NALISHIDAGI TALABALAR UCHUN:

• Ipak ishlab chiqa rish va qayta ishlash jarayonlarining nazariy asoslari
• Ipak ishlab chiqarish chiqindisiz texnologiyasi
• Kimyoviy va teksturlangan iplarni ishlab chiqarish texnologiyasi
• Ipak mahsulotlari fizik- kimyoviy va tarkibiy tuzilishi nazariy asoslari
• Ipak sifatini loyihalash va boshqarish asoslari

     KAFEDRA A'ZOLARI:

  • Axmedov J.A.- kafedra mudiri, dotsent
  • Gulamov А.E.- texnika fanlari doktori, professor, Ilmiy va innovatsiya ishlari bo’yicha prorektor 
  • Avazov K.R. - texnika fanlari nomzodi, dotsent, TSF dekani
  • Аlimova X.А. - texnika fanlari doktori, professor
  • Korabelnikov А.V. - texnika fanlari nomzodi, dotsent
  • Islambekova N.M. - texnika fanlari nomzodi, dotsent
  • Yusupxodjaeva G.А. - katta o‘qituvchi
  • Аzamatov  U.N. - katta o‘qituvchi
  • Eshmirzaev А.P. - assistent
  • Umurzakova X.X. - assistent
  • Аbduraxmonova М. - assistent 
  • Zakirova D.X. - assistent 
  • Majidova G.A. - kabinet mudirasi
  • Haydarov  S.S. - o‘quv ustasi
  • Raxmatov S.R. - laborant
     KAFEDRANING O'QUV VA LABORATORIYA BAZASI:

     Kafedra zamonaviy o‘quv ma`ruza xonalari, talabalarga amaliy darslar olib borish hamda ilmiy tadqiqot ishlarini o‘tkazish uchun ipak ishlab chiqarish va qayta ishlash korxonalarida qo`llaniladigan Yaponiyaning “NAKAGOSHI”, “MASUZAWA”, “KOKUBUN”, “HARADA” firmasining eng zamonaviy dastgohlari  bilan jihozlangan o‘quv laboratoriyasi, olingan natijalarni sifat ko‘rsatkichlarini aniqlash uchun  sertifikatsiya markazi, ma`ruza va amaliy darslarini olib borish uchun еlektron doskalar bilan jihozlangan auditoriyalar mavjud.
Kafedrada bir qancha fanlar bo`yicha elektron darsliklar, ma`ruza matnlari, o`quv uslubiy majmualar, ipakni texnologik jarayonlari bo`yicha annimatsion modellar, vidiofilmlar ishlab chiqilgan.


  KAFEDRANING INNOVATSION HAMKORLIK ALOQALARI:

   “Ipak texnologiyasi” kafedrasi bir qator xorijiy oliy bilim dargohlari va soha korxonalari bilan hamkorlik ishlarini olib boradi. Xususan;
•    Gent universiteti To‘qimachilik Departamenti (Belgiya)
•    Piraeus amaliy fanlar universiteti (Gretsiya)
•    Ivanova Davlat To‘qimachilik Аkademiyasi (Rossiya)
•    Moskva To‘qimachilik Аkademiyasi (Rossiya)
•    Sankt-Peterburg To‘qimachilik Аkademiyasi (Rossiya)
•    Kostroma texnologiya universiteti (Rossiya)
•    Dortmund universiteti (Germaniya)
•    Janubiy Koreyaning “KITECH” instituti

фильмы бесплатно





YOPISH